Fələstin dövlət lideri Mahmud Abbas ölkəsinin beynəlxlq legitimlik üzərindən dördlü komissiya vasitəsilə İsraillə müzakirələrə hazır olduğunu bəyan edib.
Teleqraf.com xəbər verir ki, bu barədə Mahmud Abbas Almaniya Kansleri Angela Merkellə müzakirələr aparıb.

Merkelə məlumat verən Fələstin lideri Abbas ölkəsinin İsraillə danışıqlar aparmağa hazır olduğunu elan edib:
“Bu danışıqların beynəlxalq legitimlik üzərindən dördlü komissiyanın müşahidəsi altında aparılması vacibdir”.

Almaniyanın BMT Təhlükəsizlik Şurasının və Avropa Birliyinin rəhbərliyinə gəlməsi səbəbindən Merkeli təbrik edən Abbas bu faktın beynəlxalq legitimlik və beynəlxalq hüququn dəstəklənməsinə müsbət təsir göstərməsinə ümid etdiyini deyib. Angela Merkel isə ölkəsinin iki “dövlət əsasında həll” variantını dəstəklədiyini və beynəlxalq hüquqa sadiq olduğunu vurğulayıb.