Fransada hökumətə qarşı növbəti etiraz aksiyası keçirilib.

Virtualaz.org yerli KİV-ə istinadən bildirir ki, aksiya iştirakçıları “Qlobal təhlükəsizlik haqqında” qanun layihəsinə və pandemiya dövründə yaranmış işsizliyə qarşı etiraz səslərini ucaldıblar.

Minlərlə etirazçı parlamentdən Fransa Sahibkarlar Təşkilatının binasına qədər yürüş edib. Aksiya iştirakçıları ölkə Prezidenti Emmanuel Makron və hökumət əleyhinə şüarlar səsləndiriblər.

Qeyd edək ki, Ümumi İş Konfederasiyası və “Sarı jiletlilər”in dəstəklədiyi aksiyada Məğrur Fransa Partiyasının lideri Jan Lyuk Melanşon da iştirak edib.