İraq və Suriyada mövcudluğunu davam etdirən terror təşkilatı İŞİD-in 100 milyon dollar valyuta ehtiyatı olduğu təxmin edilir.

Virtualaz.org bildirir ki, Birləşmiş Millətlər Təşkilatının (BMT) İŞİD və Əl-Qaidə ilə bağlı hesabatında belə deyilir.

Sənədə əsasən, İraq və Suriyada terror təşkilatının təxminən 10 min aktiv döyüşçüsü var.

Onlar əsasən qəsd, təzyiq və adam qaçırma qarşılığında pul tələb etmə yolu ilə gəlir əldə edirlər.

Bundan başqa, terror təşkilatı xaricdən qeyri-rəsmi maliyyə şəbəkələri vasitəsi ilə də pul vəsaitləri toplayır.