Xəbər lenti
21-11-2020, 11:34


Hurriyyet.org xəbər verir ki, İraqdakı türkmən soydaşlarımızın yaşadığı Kərkükdə İŞİD terror təşkilatı tərəfindən öldürüldükləri bildirilən 50 nəfərə məxsus cənazələrin kütləvi məzardan çıxarılması üçün işlər başlayıb.

İraqın Təhlükəsizlik Media Şəbəkəsinin yazılı açıqlamasında deyilir: “Kərkükün Havice rayonunun Riyad məntəqəsinin yaxınlığında İŞİD tərəfindən öldürülən 50 nəfərin cəsədinin olduğu kütləvi məzar aşkar edilib”.

Məzardakı cənazələrin kimə məxsus olmasını müəyyənləşdirmək üçün işlər aparılır.

İraq asayiş qüvvələri İŞİD terror təşkilatının ələ keçirdiyi Riyadı və ətrafını 2017-ci ildə terror təşkilatlarından azad eləmişdi.

İndiyə qədər İŞİD terrorçuları Kərküklə yanaşı, Tuzhurmatu, Mosul, Anbar, Diyala və Səlahəddinin bəzi rayonlarında tez-tez terror hücumları həyata keçirirlər.



Ana səhifəyə qayıt        Baxış: 1 198          Tarix: 21-10-2020, 18:21      


Paylaş: