Rusiya Ermənistanın baş naziri Nikol Paşinyanın erkən parlament seçkiləri keçirmək barədə qərarını bu dövlətin daxili işi kimi qiymətləndirir.

Virtualaz.org bildirir ki, bu barədə Rusiyanın Xarici İşlər Nazirliyindən məlumat verilib.
"Xarici İşlər Nazirliyi bu cür qərarları şərh etmir, çünki bunu suveren dövlətlərin daxili işi kimi qiymətləndirirlər", - məlumatda vurğulanıb.

Rusiya Xarici İşlər Nazirliyinin rəsmisi Mariya Zaxarova isə jurnalistlərə deyib: “Ermənistanda tərəflər seçkinin vaxtı ilə bağlı razılığa gələ bilərlər.

Ümid edirik ki, bu ölkədə seçkiöncəsi vaxt konstruktiv atmosferdə keçəcək”.

Xatırladaq ki, N.Paşinyan Ermənistanda iyunun 20-də növbədənkənar parlament seçkilərinin keçiriləcəyini elan edib.