"Rusiya Ukrayna ətrafında o qədər ciddi hərbi yumruq nümayiş etdirdi ki, bu da, Baydeni Kremlə telefon açmağa vadar etdi".
 
Ovqat.com xəbər verir ki, bunu Ukraynalı politoloq Mixail Pogrebinski Rusiyanın “Vzqlyad” qəzetinə açıqlamasında belə deyib.
 
Politoloqun fikrincə, bu zəngin məhz indi gəlməsi Moskvanın öz məqsədlərinə nail ola bildiyini göstərir:
 
Ekspertin sözlərinə görə, bu, ABŞ-ın diplomatik bəyanatlardan yox, güc nümayişindən anladığını göstərir.
 
Qeyd edək ki, ABŞ prezidenti Cozef Bayden bir müddət əvvəl ABŞ telekanallarından birinə verdiyi müsahibəsində Rusiyalı həmkarı Vladimir Putini “qatil” adlandırmış və bu hadisə bütün dünyada rezonans doğurmuşdu. Rusiya prezidenti Putin də bu təhqirə ibarəli üslubla “canı sağ olsun” deyərək cavab vermiş, ardınca Ukraynadakı son böhran ortaya çıxmışdı. Böhranın görünən səbəbi isə Moskvanın ATƏT platformasında Ukrayna məsələsinin müzakirəsindən çəkilməsi olmuşdu. 
 
Politoloq Mixail Pogrebinski də bu insidentə eyham vuraraq bildirib ki, bəzi siyasətçilər Baydendən sonra Putinin ünvanına təhqirlər yağdırmaqdan xoşlanırdılar: “İndi isə Baydenin özü Putinə zəng vuranda hakimiyyət arasında yeni narazılıqlar yaranır".
 
Ümumiyyətlə, bu oyunun geosiyasi müstəvisində Ukrayna rəhbərliyindən heç nəyin asılı olmadığını düşünən politoloq əmindir ki, yalnız bir telefon zəngi gərginliyi aradan qaldıra bilərdi və o zəng də nəhayət gəldi:
 
Politoloqun bəhs etdiyi telefon zəngi Kremlə çərşənbə axşamı gəlmişdi. ABŞ prezidentinin təşəbbüsü ilə iki ölkə rəhbəri telefonla danışmış, Bayden həmkarına "ikitərəfli əlaqələrdə" normallaşmanın tərəfdarı olduğunu bildirmiş və onu mübahisəli məsələlərin tam spektrinin müzakirəsi üçün üçüncü ölkədə keçiriləcək sammitə dəvət etmişdi. 
 
Ovqat.com