“Rusiya altı ayda iki dəfə Ukrayna Silahlı Qüvvələrinin Donbasa hücum planlarını alt-üst edib”. 
 
Ovqat.com xəbər verir ki, rus hərbi ekspert Viktor Leonkov Ukraynanın işğal altındakı əraziləri ilə bağlı siyasətini şərh edərkən belə deyib.
 
Onun sözlərinə görə, Ukrayna Silahlı Qüvvələri ilk dəfə Dağlıq Qarabağdakı münaqişə zamanı Donbassa hücum etməyi planlaşdırırmış. “Ukraynalı analitiklər Azərbaycanın Ermənistanı məğlub edəcəyini və bununla da Rusiyanın bölgəni çıxmağa məcbur olacağına ümid bəsləyirdilər. Lakin Moskva hərbi əməliyyatların dayandırılmasında birbaşa iştirak etdi, sülhməramlıları Dağlıq Qarabağa gətirdi və Qafqazdakı mövqeyini möhkəmləndirdi”.
 
Leonkovun fikrincə, Ukrayna ordusu bu ilin yanvar ayında Navalnıy hərəkatı başlayanda da eyni fikrə düşüb: “Ukraynalı analitiklər ilin əvvəlində Rusiyada vəziyyətinin gərginləşəcəyini, Moskvanın diqqətini Donbassdan öz daxili problemlərinə yönəldəcəyini düşünürdülər, amma bu dəfə də Kiyevin hesabları səhv çıxdı”.