Çinin «Guancha» nəşrinin səhifələrində Şimali Atlantika Alyansının miqyaslı hərbi təlimlərinə həsr olunmuş material dərc edilib.

Təlimlər bugünlərdə Qara dəniz sularında keçirilir.

Müəlliflər qeyd edirlər ki, bölgədə gərginlik NATO-nun təlimlərində (Sea Breeze - 2021) iştirak üçün buraya gələn gəmilərin sayı artdıqca yüksəlir.

Alyansın hərbi-dəniz qruplaşmasına İtaliyanın “İTS Virginio Fasan” freqatı, Türkiyənin “TCG Barbaros” gəmisi, Rumıniyanın “ROS Regina Maria” gəmisi qoşulub. Çin nəşrinin oxucuları Krım yarımadası sahillərindəki gərginliyə reaksiya veriblər.Onların fikrincə, Rusiya belə təxribatlara göz yummamalıdır. Şərhçilər bölgədə Şimali Atlantika güclərinin artmasına yumor hissi ilə cavab veriblər.

«İndi Qara dəniz balıqla dolu olan gölü xatırladır. Rusiya yubanmadan mümkün qədər çox balıq ovlamalıdır» - bir oxucu əminliklə yazır.

«Mənim üçün maraqlıdır, bu 3 gəmi real döyüşdə heç olmasa 3 dəqiqə davam gətirə bilərmi?» - digər oxucu maraq göstərir.

«NATO odla oynayır! Ancaq NATO yalnız ABŞ-ın əlində oyuncaqdır. Oyunu davam etdirin və sizi məhv edəcəklər» - bir başqası hədələyir.

AzPolitika.info