Rəsmi hesabata əsasən, 2021-ci ilin sonuna ölkədə inflyasiya 8,39%-ə çatıb.

2019-cu ildə illik inflyasiya 3%, 2020-ci ildə 4,9% olmuşdu.

Novator.az saytı bildirir ki, hazırkı 8,39%-lik inflyasiya Rusiya üçün 2015-ci ildən sonrakı dövrdə ən yüksək göstəricidir.

2015-ci ildə inflyasiya 12,9%-ə çatmışdı.

Rəsmi hesabata görə, 2021-ci il ərzində Rusiyada ərzaq məhsulları 10,62%, qeyri-ərzaq malları 8,58% bahalaşıb. Xidmət sahələrində bahalaşma 4,98% olub.

2020-ci ildə ərzaq məhsulları 6,69%, qeyri-ərzaq malları 4,79% bahalaşmışdı. Xidmət sahələrində bahalaşma 2,7% olmuşdu.

2021-ci ildə Rusiya Mərkəzi Bankı uçot dərəcəsini yeddi dəfə qaldırıb. Hazırda uçot dərəcəsi 8,5% təşkil edir.