Norveçin Baş naziri Yonas Qar Störe krallığın hakimiyyət orqanlarının 54 ədəd “Leopard 2” tankı almaq niyyətini təsdiqləyib.

Siyasətçi cümə günü keçirdiyi mətbuat konfransında deyib:

“Biz İkinci Dünya müharibəsindən sonra təhlükəsizlik siyasəti sahəsində ən çətin vəziyyətlərdən birindəyik. Alman tanklarını almaqla Norveçin Skandinaviyadakı qonşuları və ən yaxın müttəfiqləri ilə eyni texnikaya sahib olacağına zəmanət veririk. Biz həmçinin Almaniya ilə daha sıx təhlükəsizlik əlaqələri qururuq”.

Tanklar 2026-2031-ci illərdə istifadəyə veriləcək. Müqavilə təxminən 19,7 milyard Norveç kronu (təxminən iki milyard ABŞ dolları) dəyərində qiymətləndirilir.

Mənbə: TASS