Çin xarici ölkə ərazisində ilk hərbi bazasını açıb.

“Report” “Reuters”a istinadən xəbər verir ki, avqustun 1-də Afrikanın şərqində yerləşən Cibutidə təntənəli mərasimdə Çinin dövlət bayrağı qaldırılıb.

Tədbirdə 300 hərbçi və dənizçi, o cümlədən Çin Hərbi Dəniz Qüvvələri komandanının müavini Tyan Çjun da iştirak edib.

Bazaya ilk hərbçi bu il iyulun 11-də göndərilib, orada 2 min Çin hərbçisi xidmət edəcək.

Qeyd edək ki, Cibuti Afrikanın şərqində yerləşir. Onun əhalisinin sayı 740 minə yaxındır. Artıq Cibutidə ABŞ, Fransa və Yaponiyanın hərbi dəniz qüvvələrinin təchizat məntəqələri fəaliyyət göstərir.