Xəbər lenti
Ermənistan bu gün “qondarma erməni soyqırımı” olaraq bilinən və 1915-ci il hadisələrində öldürülən 1,5 milyon ermənini anır. Ermənistan prezidenti Serj Sarkisyan həmin hadisələrdə dünyasını dəyişənlər üçün təşkil edilən anım mərasimində “ölümə qalib gəldik” deyib.
Ovqat.com xəbər verir ki, A24.az-ın əldə etdiyi məlumata görə, bu gün Ermənistanda, Rusiya da daxil olmaqla bir çox ölkədə “qondarma erməni soyqırımı” keçirilir. Anım mərasimində iştirak edən Serj Sakisyan “qondarma erməni soyqırımı” qurbanları üçün Tsitsernakaberd məbədinə (erməni dilində “Qaranquş təpəsi”) gül və əklillər qoyub. Sarkisyanla birlikdə mərasimdə baş nazir Karen Karapetyan, millət vəkilləri və erməni katalikosu II Karekin də iştirak edib.
Sarkisyan baş verənlərlə bağlı “1915-ci ilin üstündən 100 il keçib. Bu müddət ərzində nələr olduğunu və ölümə qalib gəldiyimizi bilirik” deyə ifadələrini işlədib.
Qeyd edək ki, Ermənistanın paytaxtı İrəvanda hər il olduğu kimi dünən axşam da yürüş gerçəkləşdirilib.



Ana səhifəyə qayıt        Baxış: 867          Tarix: 24-04-2017, 16:35      


Paylaş:   

Ən çox oxunanlar