APA TV-nin Rusiya mətbuatına istinadən məlumatına görə, naməlum şəxslər XIX əsrdə yaşayan müqəddəs keşişin "izləri"ni oğurlayıb.

Covanni Boskonun nəşi kimyəvi maddələr çəkilərək kilsədə saxlanılır. Bu, kilsədən ilk oğurluq deyil. Bu dəfə oğrular onun şüşədə saxlanılan beynini aparıblar.

Onun nəşinə toxunulmayıb. Oğrular çox peşəkar olub, hadisə yerində nə bir barmaq, nə də başqa bir iz buraxılmayıb.

Polisin axtarışları nəticə vermir. Turin arxiyepiskopu Çezare Nosilya mətbuat vasitəsilə oğrulara müraciət etmək məcburiyyətində qalıb: "Boskonun beynini qaytarın, bəlkə Tanrı sizi bağışlayar. Tövbə edin və bir də müqəddəslərə sataşmayın. Bəzi cəzalar var ki, onlar həbsxana cəzasından da əzablıdır".

Xatırladaq ki, Covanni Bosko İtaliyada Salesian dini birliyinin təsisçisidir. Keşiş yetim və evsizlərə yardım edib. Onun nəşinin saxlanıldığı kilsə daim ziyarətçilərlə dolu olur.