Rusiya qoşunları Kiyevdən Moskvaya gedən M02 magistralının Sumı vilayətindən keçən hissəsini nəzarətə götürüb. Axtırkada döyüşlər gedir. Rusiya texnikası və hərbi personalı Sumıya daxil olub.
 
Ovqat.com-un məlumatına görə, Sumı vilayəti dövlət administrasiyasının rəhbəri Dmitri Jivitski bu barədə bildirib.
 
 
Onun sözlərinə görə, Belopolye şəhərində, Burin və Sumı vilayətinin digər yaşayış məntəqələrində ağır vəziyyət yaranıb.


 
"Ukrayna Silahlı Qüvvələri rus silahlılarına qarşı mübarizə aparır. Düşmən ciddi cavab alaraq, geri çəkilməyə başlayıb, təcavüzkar tərəfindən ölən və yaralananlar var. Bu günə olan məlumata görə, düşmən texnika və hərbçilərı artıq Sumiyə daxil olub. Ona görə də hər kəsdən xahiş edirəm ki, öz təhlükəsizliyini təmin etmək üçün tədbirlər görsün”.
 
Rayon icra başçısının sözlərinə görə, rayonun lazımi səviyyədə yaşayışını təmin etmək üçün bütün tədbirlər görülür. "Təəssüf ki, bölgədə dağıntılar var - qaz kəmərləri yanır və indi qaz xidməti ora gedə bilmir, çünki biz insanların sağlamlığından qorxuruq", - Jivitski əlavə edib.