Prezident Rəcəb Tayib Ərdoğan 14 ildən sonra rəsmi səfərə gələn İsrail prezidenti İsaak Hersoqu Ankarada rəsmi mərasimlə qarşılayıb. 


 
Ovqat.com-un məlumatına görə, ikitərəfli görüşdən sonra ölkə başçıları birgə bəyanatla çıxış ediblər. 

Prezident Ərdoğan İsraillə Türkiyənin enerji, kənd təsərrüfatı, silah sənayesi sahəsində əməkdaşlıq edəcəklərini vurğulayaraq, Qüdsün tarixi statusunun, Məscidül-Əqsanın dini kimliyinin və müqəddəsliyinin qorunub saxlanmasının vacibliyinə toxunub və Ankara üçün Fələstin məsələsinin həssaslığını diqqətə çatdırıb.
 
İsrail prezidenti isə öz çıxışında türklərlə yəhudilərin qarşılıqlı münasibətlər tarixinin qədim olduğunu xatırladaraq, aradakı fikir ayrılıqlarının dialoqla çözüləcəyinə inamını ifadə edib.
 
Prezidentlərin görüşdən sonra jurnalistlərə verdikləri açıqlamanı təqdim edirik.