Prezident Vladimir Putin Rusiya iqtisadiyyat və ordusunu o səviyyədə zəiflədib ki, onun supergüc statusunun bərpasına 30 il lazım olacaq.

“Report” xəbər verir ki, bunu “The Times” yazıb.

Bildirilib ki, Ukraynada 100 mindən çox Rusiya hərbçisi ölüb:

“Kreml dövlətinin illik büdcəsinin dörddəbirini müharibəyə xərcləyib”.

Qəzetin yazdığına görə, Ukrayna Rusiya tanklarının yarısını məhv edib: “Moskva raket, sursat və mərmi ehtiyatını qısa bir zamanda istifadə etdi”.

Britaniya hökumətindəki yüksək vəzifəli mənbələrindən biri “The Times”a bildirib ki, iqtisadi və hərbi gücünü bərpa etmək üçün Rusiyaya 20-30 il lazım ola bilər.