Azərbaycanla pilotsuz uçuş aparatları üçün sünii intellekt, qabaqcıl səviyyədə avtonom vasitələr üzərində çalışırıq.

Bunu "Ölkə.az"a açıqlamasında "Baykar"ın İdarə Heyətinin sədri və Texnologiya rəhbəri Səlcuq Bayraktar deyib. O bildirib ki, sözügedən fəaliyyətlər Azərbaycanla birgə yaradılmış "Baykar Technology Azerbaijan" şirkətində həyata keçirilir.

"Bundan əlavə uçuş aparatlarının təlimi, saxlanılması kimi işlər də görürük. Çünki Azərbaycanın ciddi bir donanması var: "Bayrakta TB2" və "Akıncı" da artıq gəlir. Buna görə də, həm bu aparatların saxıanılması, həm də onların texnoloji inkişafənı həyata keçirəcək".

S. Bayraktarın sözlərinə görə, mühəndislik komandası artıq işlərə başlayıb və növbəti illərdə daha da böyüyəcək.