Bu ilin yanvar-sentyabr ayları ərzində Gürcüstanın Azərbaycana dərman ixracı ötən ilin eyni dövrü ilə müqayisədə 8,1% artaraq 21,826 mln. ABŞ dollarına çatıb.

APA-nın yerli bürosu xəbər verir ki, bu barədə Gürcüstan Milli Statistika İdarəsinin (GEOSTAT) hesabatında deyilir.

Cari ildə Azərbaycan Gürcüstanın ən çox dərman ixrac etdiyi ölkələr arasında ikinci yerdə qərarlaşıb. İlk yeri isə 49,807 mln. dollar ixrac həcmi ilə Özbəkistan tutur.

Hesabat dövründə Gürcüstan ümumilikdə 262 mln. dollara yaxın dərman idxal edib ki, bunun 50,6%-ni (132,7 mln. dollar) təkrar ixrac edib. Cari ilin doqquz ayında bu ölkənin təkrar dərman ixracı illik müqayisədə 40% artıb.