“Mosulun işğaldan azad olunması an məsələsidir. İŞİD silahlıları şəhərdə 600 kvadrat metrlik bir sahəyə sıxışıblar. Onlarla terrorçu evlərdə gizlənib”.

Ovqat.com xəbər verir ki, İraq Federal Polis Güclərinin komandiri Raid Şakir Cövdət bu gün keçirdiyi mətbuat konfransında belə deyib.

İraq ordusu, anti-terror gücləri və Haşdi-Şabi tərəfindən həyata keçirilən ortaq əməliyyatda İŞİD-in sonuna yaxınlaşıldığını söyləyən Raid Şakir Cövdet Federal Polis güclərindən 3 qrup halında Köhnə Mosulda vəziyyəti nəzarət altına almağa çalışdığını da gizlətməyib. Onun sözlərinə görə, bir neçə gün ərzində bölgədə döyüşlər İraq güclərinin lehinə sona çata bilər.