Qurban Məmmədovun Azerifreedom kanalı bağlanıb.

Bu barədə məlumatı Ovqat.com-a Qurban Məmmədovun özü verib.

Onun bildirdiyinə görə, internet tv kanalı jurnalist Sevinc Osmanqızının şikayəti əsasında bağlanıb.

Hüquqşünas-siyasətçi hadisə ilə bağlı dinləyicilərinə müraciət də ünvanlayıb. Müraciətdə deyilir:

“Əziz həmvətənlər!

Sevinc Osmanqızının şikayəti əsasında Azerifreedom kanalının canlı yayımı durdurulub. S.Osmanqızına aşağıdakı məzmunda məktub yazdım.

Sizlərdən xahiş edirəm: bu statusumu paylaşın. Qoyun xalq demokratiyadan, söz-mətbuat azadlığından dəm vuranların kimliyini görsün. Mənim haqqımda qarayaxma kompaniyasında iştirak edən S.Osmanqızının bu hərəkətinə sizlərdən münasibət gözləyirəm. Azerifreedom kanalını yalnız siz xilas edə bilərsiniz. İstəyirsinizsə...

“Mən sizi şikayət etmədim, halbuki, edə bilərdim və hələ də edə bilərəm, məndən izinsiz şəklimi və səs yazımı, həm də natamam versiyada efirinizdə səsləndirmisiniz! Mən də sizin bu hərəkətinizə uyğun cavab vermişəm və mənim şəxsimə yönəlmiş bu , jurnalistika əxlaqına uymayan davranışığınıza cavab vermişəm!

Kanala etdiyiniz şikayəti geri götürməniz üçün sizə 3 saat vaxt verirəm, əgər bu gün canlı yayımı bərpa etməsələr və mən canlı yayımda olmasam, özünüzdən küsün!”