Xəbər lenti

 

Naxçıvan MR Ali Məclisinin sədri Vasif Talıbovun 81% səslə mandatlandırdığı Siyavuş Novruzov yenə aləmi bir-birinə qatıb.

Ovqat.com xəbər verir ki, onun parlament iclasında səsləndirdiyi bəzi fikirlər ictimaiyyətin sərt təpkisinə səbəb olub.

Belə ki, Siyavuş Novruzov çıxışında qaçınları nəzərdə tutaraq deyib: “Dövlət insanlara dədə-babası tikəndən daha yaxşı ev verib”.

Bir deputata yaraşmayan, ölkənin suverenliyini, torpaq bütövlüyünü hansısa qaçqının evlə təmin olunması ilə müqayisə edən bu anlayışa ilk reaksiya ADR Hərəkatının sədri Qubad İbadoğludan gəlib. O, cavab olaraq paylaşdığı facebook statusunda yazıb:

Əvvala, hüquq doktorunun nəzərinə çatdırmaq istəyirəm ki, Konstitusiyanın 14-cü maddəsinə görə, təbii ehtiyatlar hər hansı fiziki və ya hüquqi şəxslərin hüquqlarına və mənafelərinə xələl gətirmədən Azərbaycan Respublikasına mənsubdur. Odur ki, məktəblər, bağçalar mənzilə ehtiyacı olan məcburi köçkün, qaçqın, şəhid ailələrinə tikilən evlər Siyavuş Novruzovun nə özünün, nə də dədəsinin pulu hesabına tikilməyib. Korrupsiya potensialı yüksək olan belə tikinti layihələri təbii ehtiyatlar hesabına formalaşan Neft Fondundan maliyyələşib. Məlumat üçün qeyd edim ki, indiyə qədər qaçqın və məcburi köçkünlərin sosial-məişət vəziyyətinin yaxşılaşdırılması və məskunlaşdırılması üçün Dövlət Neft Fondundan 2,5 milyard manatdan çox vəsait ayrılıb.

İkincisi, nə məcburi köçkünlər, nə də qaçqınlar dədə-baba yurdlarında daxmalarda yaşamayıb, əksəriyyətinin işğal olunmuş ərazilərdə qalan evləri ilə müqayisədə indi dövlətin verdiyi daxmaya oxşayır. Onların bir hissəsi hələ də yaşayış şəraiti olmayan yataqxanalarda yaşayırlar. Halbuki, onlar imarətlərini qoyub gəliblər.

Üçüncüsü, məcburi köçkünlər, qaçqınlara ev lazım deyil, torpaq lazımdır. Odur ki, Qarabağ işğaldan azad olunsun, onların böyük əksəriyyəti torpaqlarına qayıdacaq. İllərlə çadırlarda, vaqonlarda yaşayanların bir neçə ildir ki, ilan mələyən dərələrdə, mazut iyi verən gölmələrin yaxınlığında aldığı mənzillər də özlərinə qalar. Ona görə aldığı yazıram ki, həmin evlər də məcburi köçkünlərə pulsuz verilməyib, böyük əskəriyyətindən şirinlik adı ilə rüşvət alınıb, eyni zamanda bu mənzillərin heç birinin mülkiyyət aktı da yoxdur.

Dördüncüsü, canını ölkənin ərazi bütövlüyü uğrunda qurban verən, şikəst olan şəhid ailələri və Qarabağ əlillərinə ev vermək hər bir dövlətin borcudur. Onların da hamısı hələ də evlə təmin olunmayıb. Rayon (şəhər) icra hakimiyyətlərində mənzil növbəsinə dayanan minlərlə Qarabağ əlilləri və şəhid ailələri hələ də növbə gözləyir.

Beçincisi, əmlak sığorta sistemi mövcud olsaydı zəlzələdən evi uçana, yanğından evi yanan vətəndaşa dövlət deyil, sığorta şirkətləri təzminat verməlidir.

Yekun olaraq onu qeyd edim ki, neft pullarını oğurlayıb özlərinə imarətlər, saraylar, villalar tikənlər, xaricə kapital qaçırıb, biznes quranların da hesabat verməli vaxtı gələcək.

Nəhayət, heç kəsin, özü də dövlətin resursları hesabına təmin olunan deputatın vətəndaşa minnət qoymağa və onu dövlətdən haqq edib aldığına görə aşağılamağa hüququ yoxdur. Odur ki, tələb edirəm ki, Milli Məclisin son iclasında Regional məsələlər komitəsinin sədri vəzifəsinə yenicə təyinat almış Siyavuş Novruzov ilk çıxışında dövlətin sosial proqramlar çərçivəsində ev verdiyi məcburi köçkün, qaçqınlar, şəhid ailələrinin, Qarabağ müharibəsi əlillərinin, zəlzələdən və yanğından evləri dağılanların hissiyatına toxunan, onları aşağılayan çıxışına görə üzr istəməlidir”.

“Bərəkallah, sənin məntiqinə!”

  

Siyavuş Novruzova ikinci sərt reaksiya Qarabağ döyüşçüsü Vaqif Əliyevdən gəlib. V.Əliyev də millət vəkilinə cavabı facebook statusu ilə verib:

“Burdan MM- in deputatı Siyavuş Novruzova səslənirəm! Siyavuş, deyəsən ağır söz eşitmək istəyirsən?! Amma bu dəfə səbrimi basıb bir yumşaq yazacağam. MM - in ilk iclasında məcburi köçkünlərə verilən evləri nəzərdə tutaraq demisən : "Dövlət həmin insanlara dədə - babalarını tikdiyindən də yaxşı evlər tikib verib". Bərəkallah, sənin məntiqinə..."

 




Ana səhifəyə qayıt        Baxış: 8 423          Tarix: 15-03-2020, 02:06      


Paylaş:   

Xəbərə şərh yaz
Adınız:*
E-Mail:*
Şərhiniz:*
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent