Xəbər lenti
 
 
Xəzər dənizinin akvatoriyasında Rusiya Dəniz Donanmasının Xəzər flotu gəmilərinin iştirakı ilə təlimlər başlayır. Təlimlər çərçivəsində gəmi qrupları hava və dəniz hədəflərinə atəş açacaqlar.
 
Ovqat.com xəbər verir ki, məlumatı Rusiya Müdafiə Nazirliyi yayıb.
 
Məlumata görə, təlimlər Abşeron yarımadasının şimal hissəsində Xəzər dənizinin mərkəzi hissəsində keçiriləcək.
 
 
“Təlimdə “Dağıstan” və “Tatarıstan” raket gəmilərinin ekipajları, eləcə də “Ugliç” və “Velikiy Ustyug” kiçik raket gəmilərinin hava və dəniz hədəflərinə qarşı topçu və raket atışlarının idarəetmə artilleriyası atış tapşırıqları yerinə yetirəcək. Cənubi Hərbi Dairənin aviasiyası da təlimlərə qatılacaq”, -Rusiya MN-nın rəsmi açıqlamasında belə deyilir.
 
Təlim iştirakçıları həmçinin dənizlərdəki iqtisadi obyektlərin fəaliyyətinin təmin edilməsi, mühafizəsi və müdafiə qüvvələrinin yerləşdirilməsi, mühafizə olunan obyektlərin ətrafındakı şərti qanunsuz silahlı birləşmələrin məhv edilməsi üzrə tapşırıqların icrasında hazırlıq səviyyələrini yoxlayacaqlar.
 
400-dən çox hərbi qulluqçunun qatılacağı təlimlərdə 6 gəmi və 7 təyyarə yer alacaq.


Ana səhifəyə qayıt        Baxış: 4 945          Tarix: 16-10-2020, 13:23      

Xəbəri paylaş


Paylaş:   

Prizma