Türkiyədə 81 meşə yanğınından 70-i nəzarət altına alınıb.
 
Ovqat.com xəbər verir ki, Türkiyənin kənd təsərrüfatı və meşə naziri Bekir Pakdemirli bu barədə Twitter paylaşımında bildirib.
 
"Hazırda 81 yanğın ocağından 70-i lokallaşdırılıb. Adanada, Antalyada, İzmirdə, Mersin, Muğlada yanğınlarla mübarizə davam edir", - deyə o yazıb.
 
Nazirin sözlərinə görə, yanğınsöndürmə əməliyyatına 6 təyyarə, 9 PUA, 1 insansız helikopter, 1 yanğınsöndürmə tankeri, 45 helikopter, 1.080 yanğınsöndürmə maşını, 55 iş makinası, 4.000-dən artıq əməkdaş cəlb olunub.