Xəbər lenti


Putinin mətbuat katibi Peskov Rusiya mədəni və siyasi elitasının nümayəndələri ilə bir yemək masasında görüşüb və onlara müharibənin uzun müddət sürəcəyi barədə xəbərdarlıq edib.

 

Ovqat.com-un məlumatına görə, Böyük Britaniyanın gündəlik xəbər qəzeti “The Guardian” bu barədə bildirib. 

 

Nəşrin istinad etdiyi adı çəkilməyən mənbə bildirib ki, Peskov 2022-ci ilin dekabr ayının sonunda bir rus məmurunun mənzilində baş tutan şam yeməyində bu xəbərdarlığı edib.

 

“Güman edirəm ki, bir şey söyləməyimi gözləyirsiniz. Hər şey daha da ağır olaşacaq. Bu, çox-çox uzun zaman davam edəcək” - Peskov tost deyərkən bildirib.

 

Qəzet iddia edir ki, Peskovun tostu xüsusi söhbətlərdə müharibəyə qarşı çıxan qonaqların Yeni il bayramı əhval-ruhiyyəsinə soğan doğrayıb və onlar tostlarında sülh və normal həyata qayıtmaq ümidlərini ifadə etməklə Putinin sözçüsünə ürək sözlərini çatdırıblar.

 




Ana səhifəyə qayıt        Baxış: 5 958          Tarix: 28-03-2023, 20:28      

Xəbəri paylaş


Paylaş:   

Prizma