Ukrayna silahlı qüvvələri Baxmut istiqamətində 600-1000 metr irəliləyib.

Ovqat.com xəbər verir ki, bunu Ukrayna ordusunun Şərq komandanlığının sözçüsü Sergey Çerevati bildirib.

Onun sözlərinə görə, Ukrayna ordusu 186 işğalçını öldürüb, daha 224 nəfəri yaralayıb, 8 nəfəri əsir götürüb. Həmçinin bir tank, bir piyada döyüş maşını, iki artilleriya qurğusu, iki “Qrad”, üç tank əleyhinə sistem, üç “Strela-10” hava hücumundan müdafiə sistemi, 6 sursat anbarı, üç “Lancet” kamikadze təyyarəsi və bir “Orlan-10” dronunu məhv etməyə müvəffəq olublar.