Qondarma “Artsax” Respublikasının keçmiş xarici işlər naziri Arman Məlikyan “Verelq”ə müsahibəsində BMT TŞ-nın Qarabağdakı humanitar dəhlizlə bağlı iclasının nəticələrini şərh edərkən deyib:

- Məncə, sürprizlər olmadı. Bütün natiqlər qlobal hökmranlıq uğrunda mübarizədə qüvvələr balansının hazırkı konfiqurasiyasında onların ümumi mövqeyinə uyğun gələn yanaşmaları dəqiqliklə səsləndirdilər. Ola bilsin ki, Ermənistanda bir çoxları Rusiyanın Ağdam-Xankəndi yolunu humanitar və digər yüklər üçün açmaq çağırışına təəccüblənib, lakin təəccüblənəcək heç nə yoxdur - hər şey “təbii”dir. Əlavə olaraq onu da nəzərə almağı məsləhət görərdim ki, Rusiya sülhməramlılarının “Artsax”a tədarükü əsasən Ağdam üzərində keçə bilər.