Xəbər lenti
 
Qazax rayonunu ictimaiyyətinin bir qrup üzvü adından Moderator.az-a müraciət daxil olub.
Müraciətdə deyilir:
"Biz bu müraciəti imzalayanlar rayon icra hakimiyyətinin başçısı Rəcəb Babaşov haqqında bəzi mətbu orqanlarda aparılan sifarişli qarayaxma kampaniyasına etiraz edirik və əminliklə bəyan edirik ki, yazılanlar tamamilə böhtan, şantaj xarakterlidir. 
Guya icra başçısı Rəcəb Babaşovun rayondakı 54 hektar meşə massivini məhv etməsi barədə iddia da ağ yalandır və müəllifin bulanıq suda balıq tutmaq niyyətindən xəbər verir. Maraqlıdır ki, icra başçısını şantaj etməklə öz çirkin niyyətini həyata keçirməyə nail ola bilməyən şikayətçinin özü də etiraf edərək müvafiq qurumlara müraciət edib, kömək ala bilməyincə, məsələni ictimailəşdirmək qərarına gəldiyini bildirir. Yayılan həmin bədnam məqalədə iddia edilir ki, icra başçısı həmin ərazilərdəki ağacları məhv etdirib yerini həyətyanı torpaq sahəsi kimi ayrı-ayrı adamlara satır və bu zaman xeyli sayda Qarabağ Qazisinin, şəhid ailəsinin hüququları da pozulur. 
Tam əminliklə bildirmək istəyirik ki, Azər Məmmədli adlı "şikayətçi" öz qarayaxmasına haqq qazandırmaq və çirkin məqsədlərini həyata keçirmək üçün mətbuat vasitəsi ilə ictimai rəyin diqqətini özünə yönəltmək üçün Qarabağ qazilərini və şəhid ailələrinin adından sui-istifadə etməklə çox böyük qəbahətə yol verib. Çünki Rəcəb Babaşov rayona icra başçısı təyin olunduğu gündən ilk növbədə Qarabağ aazilərinə, şəhid ailələrinə, imkansız insanlara xüsusi qayğı ilə yanaşıb və tabeçiliyindəki hər kəsə də bununla açıq mesaj vermiş olub ki, onlara xüsusi yanaşma sərgilənsin. Rayonun cəbhə bölgəsi olmasına görə sərhəddəki kəndlərin əhalisinin qayğılarına da həssas yanaşaraq onların güzəranı ilə vaxtaşırı maraqlanır, tez - tez ətraf kəndlərə özü gedərək problemləri yerində dinləyir. 
Gəlin etiraf edək ki, rayonlarda icra başçılarının əksəriyyəti mətbuatın da vaxtaşırı qınadığı kimi,  özlərini balaca padşahlar kimi aparırlar və sadə vətəndaşlara saymazyana davranış sərgiləyirlər. Hətta bir çox rayonlarda icra başçısının qəbuluna düşmək mümkünsüz hala gəlib. Amma Qazax rayonu bəlkə də Azərbaycanın yeganə rayonudur ki, icra başçısının qəbul günü yoxdur. Yəni istənilən rayon sakini icra hakimiyyətinin binasına gələrək icra başçısı ilə görüş istəyib dərdini, qayğısını şəxsən Rəcəb Babaşovun özünə deyə bilər və dərhal da onun probleminin həllinə göstəriş verilər. 
Bütün bunlara baxmayaraq hər yerdə olduğu kimi rayonumuzda da yeniliyi, quruculuğu gözü götürməyən şəxslər var və nə yazıq ki, Azər Məmmədli kimi bir şantajçı da Qazaxın taleyinə yazılıb. Amma nahaq yerə deyilməyib ki, haqq nazilər, üzülməz. Şər-böhtanla insanları şantaj edənləri nə qanun, nə Allah bağışlamaz. 
Məmmədov Kamandar - Azərbaycan Respublikası Qarabağ müharibəsi əlilləri, veteranları və Şəhid ailələri İctimai Birliyinin Qazax rayon şöbəsinin sədri
Namiq Alıyev - Qarabağ Qazisi
Rəhimov Ceyhun  - Qarabağ Qazisi



Ana səhifəyə qayıt        Baxış: 474          Tarix: 29-06-2018, 21:44      

Xəbəri paylaş


Paylaş:   

Prizma