Cümə günü İran,Türkiyə və Rusiya rəsmiləri arasında görüş keçirilib, neft və qaz satışında dollardan istifadə edilməməsi barədə razılıq əldə olunub.

Ovqat.com xəbər verir ki, bunu İranın Mərkəz Bankının sədri Əbdülnəsir Həmta açıqlayıb.

Həmtanın bildirdiyinə görə, görüşdə İranın neft Naziri ilə yanaşı, iqtisadiyyat rəsmiləri də iştirakı ediblər və konstruktiv danışıqlar aparılıb.

“Neft satışı, bank əlaqələrinin inkişaf etdirilməsi, dollar əvəzinə milli valyuta ilə ticarət müqavilələri iki qonşu ölkə ilə keçirdiyimiz görüşlərin məzmununu təşkil edib. Həmçinin, Rusiya Mərkəz Bankının sədri ilə Moskvada bu məsələlərin təqib edilməsi üçün bir toplantı keçirilməsi qərarına gəlinib” – Həmta belə deyib.