Xəbər lenti
 
“Amerikalı həmkarlarımızın çox pis xasiyyəti var. Əvvəl hərəkətə keçirlər, bu hərəkətin nəticələrini araşdırmağa isə sonra başlayırlar. Ukraynada da, Suriyada də belə oldu. Ümid edirəm, Şimali Koreya mövzusunda hadisələr daha fərqli cərəyan edər”.
Ovqat.com xəbər verir ki, məşhur lətifədəki “əvvəl qulağı kəsirlər, sonra sayırlar” zərb-məsəlini xatırladan bu cümlələr Rusiya Xarici İşlər Nazirliyinin sözçüsü Mariya Zaxarovaya aiddir.
Xanım diplomat son zamanlar ABŞ-la Şimali Koreya arasında yaşanan gərginliyi şərh edərkən belə deyib.
Vaşinqtonu Pxenyana qarşı əsgəri gücdən istifadə etməməyə çağıran Zaxarova  ona bu zamana qədər həyata keçirdiyi hərbi müdaxilələrə yaxşı-yaxşı nəzər salmağı məsləhət bilib.
"Gücdən istifadə üzərində yaxşı düşünülməmiş bir çox ssenarilər gördük. Bu nümunələrin hansı biri xoşbəxt sonluqla (“happy end”) bitdi, göstərin. Göstərə bilməzsiniz, çünki elə bir nümunə yoxdur”-Zaxarova belə deyib.



Ana səhifəyə qayıt        Baxış: 1 002          Tarix: 19-04-2017, 22:15      


Paylaş: