Xəbər lenti

 

Abşeron rayonunun Bakı-Şamaxı yolunun 4-cü kilometrində, “Mekkalon” adlanan ərazidə yeraltı və yerüstü piyada keçidinin olmaması sakinlərin haqlı narazılığına səbəb olub.  

Belə ki, yüzlərlə şagirdin oxuduğu 6 nömrəli Xırdalan məktəbinin şagirdləri də daxil olmaqla yoldan keçən hər kəs burada can verməmək üçün avtomobillərlə ölüm-qalım mübarizəsi aparır.  

Bəzən isə bədbəxt hadisələr qaçılmaz olur. Belə ki, ötən il ərzində burada bir neçə nəfər avtomobil vurması nəticəsində həyatını itirib. Çəkiliş etdiyimiz müddətə müsahiblərimizdən biri mikrofon önünə keçərək bildirdi ki, bir müddət əvvəl yolu keçmək istəyən həyat yoldaşını burada avtomobil vuraraq öldürüb. 

Mövcud problemlə bağlı ərazidə yaşayanlar və hər gün məktəbə şagird gətirən valideynlər iki ay əvvəl kütləvi şəkildə toplanaraq keçidin tikilməsi ilə bağlı etiraz ediblər. Əraziyə gələn rayon icra nümayəndələri isə keçidin tikilməsi ilə bağlı məsələ qaldıracaqlarını bildiriblər.  

Məsələ ilə bağlı Abşeron Rayon İcra Hakimiyyətinin məsləhətçisi Seymur Qasımov bildirirdi ki, sözügedən yerdə yeraltı və ya yerüstü piyada keçidinin inşası ilə bağlı Avtomobil Yolları Dövlət Agentliyinə məlumat göndərilib.  

Azərbaycan Avtomobil Yolları Dövlət Agentliyinin mətbuat xidmətinin rəhbəri Anar Nəcəfli isə qeyd edilən ərazidə piyada keçidinin inşası ilə bağlı hələ ki maliyyə ayrılmadığını bildirdi.  \\Oxu




Ana səhifəyə qayıt        Baxış: 827          Tarix: 7-02-2020, 23:21      

Xəbəri paylaş


Paylaş:   

Prizma