ANS Şirkətlər Qrupunun prezidenti Vahid Mustafayev mətbuatda özü barədə çıxan xəbərlərə reaksiya bildirib.

Vahid Mustafayev bu barədə sosail şəbəkədəki şəxsi səhifəsində yazıb. ANS Şirkətlər Qrupunun saat kimi işlədiyini deyən şirkət rəhbəri barəsində məqalə yazanları obyektiv və qərəzsiz olmağa səsləyib. “ANS-in keçmiş prezidenti” fikri ilə razılaşmayan Vahid Mustafayev, özünün hazırda da ANS ŞQ-nin prezidenti olduğunu xatırladıb.

Həmin statusu oxucularımıza təqdim edirik:

"Bu gün Bakıda, 28 May küçəsində VMF Şirkəti, Azərbaycanda CASİO-nun eksklüziv Distribyutoru - Yeni G-SHOCK dükanı açdı! Vahid Mustafayevdə həmən tədbirə qatıldı ki, təbrik etsin həmkarlarını! Bu barədə pressa məqalələr yazdı. Normal məqalələrdi - həmişə yazdıqlarından fərqlənməyən bir yazılar - sadəcə Vahid müəllimin vəzifəsini "ANS-in keçmiş Prezidenti" kimi qələmə veriblər... :-) Hörmətli məqalə yazanlar - Məlumatınızın daha dəqiq olması üçün xatırlatmaq istəyirik ki, hadisə səbəbkarı VMF-də daxil olmaqla ANS Şirkətlər Qrupunu Vahid Mustafayev yaradıb və ən azı bu səbəbdən o "keçmiş" rəhbər ola bilməz!!! ANS Şirkətlər Qrupuna daxil olan cəmi 2 şirkətin müvəqqəti yayım lisenziyası dayandırılıb - amma bütün digər Şirkətlərimiz və yaranan yeni qurumlar çalışır və Vahid Mustafayev də onların inkişafına müvəffəqiyyətlə rəhbərlik edir və edəcək inşaAllah!!! Heç kim narahat olmasın!"(qaynarinfo)