Ağstafanın gənc icra başçısı Seymur Orucov Gədəbəy rayonunda da özünə biznes qurub. 
 
Ovqat.com-un məlumatına görə, bu iddianı araşdırmaçı jurnalist Cavanşir Həsənli irəli sürüb.
 
Jurnalist özünün facebook səhifəsində paylaşdığı statusunda yazır:
 
“Keçmiş deputat və keçmiş rektor Şəmsəddin Hacıyevin qızı Çeşmi Hacıyeva ilə evli olan icra başçısı həyat yoldaşının adına "DAŞLI BULAQ -A" MƏHDUD MƏSULİYYƏTLİ CƏMİYYƏTİni qeydiyyatdan keçirib, Gədəbəyin dağlarında özünə babat bir bulaq zəbt edib. 


 
18 kilometr məsafədən yoğunluğu 1 metrlik borularla bulağın suyunu gətirib rayonda açdığı "Daşlı Bulaq" qablaşdırma müəssisəsində qablaşdırır. Saatda nə az-nə çox 8000 litr su şüşələrə doldurulur, oradan "Bravo", "Bazarstore" "Grandmart", "Bizim market", "AlMarket" şəbəkələrinə çatdırılır.