İraqın Səlahəddin əyalətinə bağlı Əş-Şərqət bölgəsində İŞİD tərəfindən blokadaya alınan 20 000 vətəndaş ölüm təhlükəsi altında yaşayır.

Publika.az xəbər verir ki, İŞİD bölgədəki hökumət qüvvələri ilə əlaqə qurmaq istəyənləri həbs edir və işgəncə verir.

Təşkilat xəstəlik olduqda belə insanların bir-birinə yardım etməsinə icazə vermir. Vətəndaşlar aclıqdan əziyyət çəkir.

Bölgədən gələn xəbərlərə görə, Şərqətin şərq tərəfində yerləşən 40 kənd və əyalətin mərkəzi hələ də terror qruplaşmasının nəzarətindədir.

İraq hökümətinə və beynəlxalq hərbi koalisiyalara təcili müdaxilə etməyəcəkləri təqdirdə, blokadanın böyük insan fəlakətinə səbəb olacağı bildirilib.