Deputat Fazil Mustafa 1 Saylı Kliniki Tibbi Mərkəzə (Semaşko) aparılıb.Bu barədə Globalinfo.az-a deputatın qardaşı oğlu məlumat verib.

Onun əməliyyata götürüldüyü bildirilib.

Qeyd edək ki, bu gün millət vəkili Fazil Mustafa Zabrat qəsəbəsində yaşadığın evin qarşısında güllələnib. Ona avtomat silahdan çoxsaylı atəş açılıb. Güllələrdən ikisi millət vəkilinə dəyib. Çiynindən və ayağından yaralanan millət vəkilinin həyati təhlükəsi olmadığı bildirilir.

22:29

Milli Məclisin deputatı Fazil Mustafa Bakıda yaşadığı evinin qarşısında güllələnib.

Musavat.com xəbər verir ki, Zabrat qəsəbəsində yerləşən evinin qarşısında silahlı hücuma məruz qalan millət vəkilinə avtomat silahdan çoxsaylı atəş açılıb. F.Mustafa iki güllə yarası alıb. Çiyin nayihəsindən və ayağından yaralanan millət vəkilinə hazırda öz evində həkim müdaxiləsi edilir. Polis hadisə yerindədir.

Fazil Mustafanın yaxınlarından biri Musavat.com-a bildirib ki, deputat evə gələn zaman öz maşınıni evinin qarşısında saxlayıb düşərkən avtomat silahdan önun üzərinə atəş yağdırılıb. Millət vəkilini öldürmək istəsələr də, xoş təsadüfdən güllələrdən ikisi həyatı təhlükə təşkil etməyən orqanlarına dəyib. 

Təfsilat və hadisə yerindən reportaj az sonra...