İnsan yardımlaşmağı bacaran varlıqdır. Bəzən sabah savaşacağını bildiyin halda, bu gün darda qalan potensial düşməninə belə, əl uzada bilirsən. “Nə qədər ki savaşmırıq, deməli hələ dostuq” misali.
 
Suriyanın İdlib vilayətində hərbi xidmətdə olan Türkiyə və Rusiya əsgərləri də bu insani keyfiyyəti nümayiş etdirə biliblər.
 
Ovqat.com-un məlumatına görə, Türkiyə ordusuna məxsus "BMC Kirpi" zirehli avtomobilinin köməyinə rus əsgərləri çatıblar. 
 
Türk “Kirpi”sini batdığı palçıqdan rus “Kamaz-63968 Tayfun”u dartaraq xilas edib.
 
Qeyd edək ki, türk və rus hərbi qüvvələri İdlibdə birgə patrul xidməti göstərirlər. Bundan bir müddət əvvəl isə həmin əsgərlər bir-biriylə əks səngərlərdə dayanmışdılar və sabah da üz-üzə döyüşəcəkləri istisna edilmir.