“Biz Ukrayna ilə birlikdə Rusiyanın təcavüzkar hərəkətlərinə qarşı çıxacağıq!”
 
ABŞ prezidenti Cozef Bayden Kiyevi dəstəkləməyə davam etdiyini və Krımı heç vaxt Rusiya ərazisi olaraq tanımayacağını bildirib.
 
Ovqat.com-un məlumatına görə, ABŞ prezidenti bunu Ağ evin rəsmi saytında yayımlanan açıqlamasında bəyan edib.
 
“ABŞ bu münaqişənin başlanğıcından bəri olduğu kimi bu gün də Ukraynanı, həmçinin digər müttəfiq və tərəfdaşlarını dəstəkləməyə davam edir. Sadə bir həqiqəti təsdiqləyirik: Krım Ukraynadır”, - deyən Bayden əlavə edib:
 
"ABŞ yarımadanın Rusiya tərəfindən ilhaq edilməsini bəyənmir və heç vaxt tanımayacaq. Biz Ukrayna ilə birlikdə Rusiyanın təcavüzkar hərəkətlərinə qarşı çıxacağıq".
 
 
Baydenə görə, Vaşinqton “Rusiyanı ədalət mühakiməsinə cəlb etmək” üçün səy göstərmək niyyətindədir.