Türkiyənin polis orqanlarına meşə yanğınlarında terror şübhəsini artıran 300 qədər məlumat daxil olub.
 
Ovqat.com xəbər verir ki, bunu ölkənin Daxili İşlər naziri Süleyman Soylu mediaya açıqlamasında bildirib.
 
Nazir qeyd edib ki, əldə edilən məlumatlar araşdırılır və tam təsdiqini tapandan sonra ictimaiyyətlə paylaşılacaq.
 
Soylu meşə yanğınlarının PKK-nın təlimatları ilə törədildiyini də istisna etməyib. Onun sözlərinə görə, bu terror təşkilatı artıq 3 ildir ki, müxtəlif məkanlarda yanğınlar çıxararaq Türk insanına zərər verməyə çalışır. Meşə yanğınları da onun əl atdığı təxribatlardandır.