İran Əfqanıstanda “Taliban”ın nəzarətinə keçən sərhəd keçidlərini bağlamaq qərarına gəlib.
 
Ovqat.com-un İran mediasına istinadən verdiyi məlumata görə, “Taliban”ın nəzarətinə keçən Nimruz əyalətinin Zərənç sərhəd qapısı müvəqqəti olaraq bağlanıb.
 
Bağlanma qərarının səbəbi olaraq bölgədə şiddətin artması göstərilir.
 
Məlumata görə, ötən gün “Taliban” Zərənc şəhərini ələ keçirib və Kabul hökumətinin hərbi qüvvələri İrana qaçıb. İran tərəfinin yaydığı bu məlumat Əfqanistan Müdafiə Nazirliyi tərəfindən doğrulanmayıb.
 
Bildirildiyinə görə, “Taliban” Əfqanıstanın İranla sərhəd keçidlərinin hər üçünü də nəzarət altına alıb. Bu isə o deməkdir ki, İran Əfqanıstanla bütün nəqliyyat-kommunikasiya əlaqələri kəsə bilər.