“Bütün postsovet məkanında yerindən qalxan hər əclaf rusları lağa qoyur və öldürür! Ukraynadan Orta Asiyaya qədər! Biz nə vaxta qədər buna dözəcəyik?!”
 
Ovqat.com xəbər verir ki, Rusiyanın Lideral Demokrat Partiyasının sədri Vladimir Jirinovski özünün “Telegram” səhifəsində belə yazıb.
 
O qeyd edib ki, Liberal Demokrat Partiyası Rusiyanın Qırğızıstandakı səfirini geri çağırmağı və respublika ilə iqtisadi əlaqələri kəsməyi tələb edəcək.
 
“Bir qırğız kassirin üzünə kalkulyator atdı, çünki ona qırğızca yox, rus dilində cavab vermişdi”, - Jirinovski onu qəzəbləndirən səbəbi bu cür izah edib.
 
 
Qeyd edək ki, Bişkekdəki bir uşaq parkında Qırğızıstan sakini ona rusca cavab verdiyinə görə kassir qızın üzərinə kalkulyator atıb. Bu da Rusiyanın siyasi dairələrində sərt təpkilərə yol açıb. Rusiyanın Dövlət Dumasının spikeri Vyaçeslav Volodinin sözlərinə görə, bəzi deputatlar post-sovet ölkələrində rusdilli əhalinin sıxıldırılmasının qarşısını almaq üçün tədbirlər paketi hazırlayıb. Paketdə rusdilli əhaliyə təzyiq edənlərin Rusiya ərazisinə keçişinə qadağan qoyulması kimi tədbirlər də nəzərdə tutulub.