Ermənistanla İran arasında nəqliyyat əlaqəsi dayandırılıb.
 
Ovqat.com xəbər verir ki, Ermənsitanın nəqliyyat sektorunun rəsmiləri bu barədə mediaya açıqlamalarında bildiriblər.
 
Açıqlamaya görə, Azərbaycan hərbçiləri Gorus-Qafan yolunun bəzi hissələrini bağladığı üçün yüzlərlə yük maşını yollarda "ilişib" qalıb, sərnişin avtobus marşrutları ləğv edilib.
 
Ermənistanın Yük Ekspeditorları Birliyinin rəhbəri Yeqişe Ovannisyan “SputnikArmenia”ya bildirib ki, Şimal-Cənub nəqliyyat dəhlizinin bir hissəsi olan Sisyandan Meqriyə gedən yolun Ağvani kəndindən keçən hissəsi hələ tikilməyib. Yol mal və ya sərnişin daşımaq üçün yararsızdır. “Ancaq alternativ olmadığı təqdirdə, bu xüsusi marşrutdan istifadə etməli ola bilərik, çünki yük maşınları çox uzun müddət boş dayana bilməzlər”.