“Siyasi qərar verildi ki, bu il Ermənistan rəhbərliyi Stepanakertdə (Xankəndi) “Artsax”ın (Qarabağ) “Müstəqillik Günü”nün 30 illiyinə həsr olunmuş tədbirlərə qatılmayacaq”.
 
Ovqat.com xəbər verir ki, bunu Ermənistanın Yüksək Texnologiyalar Sənayesi naziri Vahaqn Xaçaturyan keçirdiyi brifinqdə jurnalistlərə açıqlamasında bildirib.
 
Nazir media nümayəndələrinə bu faktı dramatikləşdirməməyi və hansısa dərin problem axtarmamağı tövsiyə edib.
 
Jurnalistlərin aydınlaşdırıcı suallarına cavab verməkdə çətinlik çəkən Xaçaturyan onlara hökumətin mətbuat xidməti ilə əlaqə saxlamağı məsləhət görüb.