Dünən Gürcüstana gəldiyi üçün polis tərəfindən saxlanılan Mixail Saakaşvili aclıq elan edərək Ukraynanın bu ölkədəki konsulu ilə görüşmək tələbi irəli sürüb.
 
Ovqat.com xəbər verir ki, bunu sabiq prezidentin ictimai müdafiəçi Nino Lomjariya Saakaşvili ilə görüşdən sonra bəyan edib.
 
Lomjariyanın sözlərinə görə, Saakaşvili özünü siyasi məhbus hesab edir və ona verilən hökmlə razılaşmır.
 
İctimai müdafiəçi bilirib ki, Mixail Saakaşvilinin hüquq-mühafizə orqanlarının əməkdaşlarından heç bir şikayəti yoxdur, çünki qapını özü açıb, polislərə heç bir müqavimət göstərməyib.


 
Lomjariya keçmiş prezidentlə görüşdə ölkəyə qayıdışının səbəbləri və təfərrüatları barədə danışmadıqlarını deyib.
 
Xatırladaq ki, bu gün Gürcüstanda bələdiyyə seçkiləri keçiriləcək. Saakaşvilinin qayıdışı və bu cür həbs olunması Gürcüstan ictimaiyyətində onun tərəfdarı olan siyasi qüvvələrin reytinqini birdən-birə artırır və bu da seçkinin nəticələrinə bir başa təsir göstərə bilər. Böyük ehtimalla, Saakaşvili də məhz bu incə hesabı nəzərə alıb, seçkilərə bir gün qalmış, təbliğat-təşviqatın bitdiyi gün ölkəsinə qayıdıb. 
 
Saakaşvilinin qayıdışından və həbsindən sonra gürcü ictimaiyyətində yaranan etirazların seçkidən sonrakı proseslərin də seyrini ciddi şəkildə dəyişə bilər.