Gürcüstan Xüsusi Tapşırıqlar Departamentinin 3-cü bölməsinə hüquq mühafizə orqanları və xüsusi təyinatlılar cəlb olunub.
 
Ovqat.com-un məlumatına Departamentin həyətinə sarı avtobuslar yerləşdirilib və çadırlar açılıb.
 
Xüsusi təyinatlıların hazırda qeyd olunan yerin həyətində dayandıqları bildirilir.
 
Müşahidəçilər bunun təsadüfi olmadığına inanırlar. Onların fikrincə, bu gün keçirilən bələdiyyə seçkilərinin saxtalaşdırılma ehtimalı var və bu da gürcü müxaliflərinin etiraz aksiyasına başlamasını tətikləyə bilər.
 
Qeyd edək ki, artıq bir sıra seçki dairələrində mübahisələr başlayıb. Xüsusilə Tbilisidə seçkilərin nəticələri müəmmalıdır. Müxaliflər heç bir namizədin yetərli sayda səs toplamadığını və seçkilərin ikinci tura qaldığını iddia edirlər. İqtidar partiyası isə öz qələbəsini qeyd edir. Hər an gərginliyin iğtişaşa çevrilə biləcəyindən ehtiyat edilir.