Bu axşam PKK/YPG qüvvələrinin Suriyanın Afrin bölgəsini artilleriya atəşinə tutduqları xəbər verilir. 
 
Ovqat.com-un məlumatına görə, atəş nəticəsində bir neçə mülki şəxs həyatını itirib.
 
Türk Ordusu və bu orduya bağlı Suriya Milli Ordusu da hücuma seyrçi qalmayıblar. Afrin hücumundan dərhal sonra Türk artilleriya bölmələri cənubdakı Dəyr Cəmal, Əbbin və Sorxanə kəndlərindəki PKK/YPG mövqelərini vurmağa başlayıblar.
 
Məlumata görə, bu ilk cavabdan sonra İraqdakı İrana bağlı qüvvələr də Türkiyə Silahlı Qüvvələrinin Mosul/Başikədəki hərbi bazasına hücuma cəhd ediblər. Hücumun qarşısı alınıb. İrana bağlı qüvvələrin hərbi bazanın ərazisini vurmaq niyyətləri baş tutmayıb. Qarşı tərəfin Araş raketləri ilə yüklənmiş yük maşını ələ keçirilərək, partladılıb. 
 
TSQ və Suriya Milli ordusunu artilleriya birlikləri Mənbic bölgəsindəki PKK/YPG hədəflərini də vurub.
 
Təl Rüfat və Minniq aviabazasındakı PKK/rejim mövqelərinə də zərbələr endirilib.