İndiyədək Qazaxıstanda “terrorçu” adı ilə 4266 nəfər saxlanılaraq polisə təhvil verilib. 
 
Ovqat.com xəbər verir ki, Qazaxıstan Daxili İşlər Nazirliyinin Situasiya Mərkəzi bu barədə məlumat yayıb.
 
Məlumata görə, saxlanılanlar arasında Qazaxıstanla qonşu ölkələrin vətəndaşları da var
 
Dünənki əməliyyatlar zamanı Almatı vilayətinə aid kəndlərin birində 100-dən çox adam saxlanılıb. Həbs edilənlər “terrorçuluq”da günahlandırılırlar və onları ömürlük həbs cəzası gözləyir.
 
Situasiya Mərkəzinin məlumatına görə, Jambil rayonuna aid bir kəndində “silah saxlancı” aşkarlanıb. “Silah saxlancı”ndan neçə ədəd pulemyot və tapança çıxıb.
 
Həmçinin, Almatı polisi Kalkaman mikrorayonunun xidmət məntəqələrindən birində patron, sursat və oğurlanmış əmlak (velosiped, televizor və mobil telefonlar) müsadirə edib. Faktla bağlı ibtidai araşdırma aparılır.