Ukrayna Silahlı Qüvvələri Luqansk vilayətində Severodonetsk yaxınlığında Qornı və Sirotino yaşayış məntəqələrində rus işğalçılarını püskürdüblər. 
 
Ovqat.com-un məlumatına görə, Luqansk vilayətinin hərbi administrasiyasının sədri Sergey Qayday bunu bildirib.
 
O qeyd edib ki, rus işğalçıları xeyli itki verərək geri çəkiliblər.
 
"Qornı kəndinə hücum edərək ruslar Severodonetsk yaxınlığındakı Sirotino bölgəsində olduğu kimi geri çəkilməyə məcbur olublar. Düşmən bu dəfə də ağır itkilər verib", - deyə Qayday vurğulayıb.
 
Onun sözlərinə görə, ukraynalı müdafiəçilər Luqansk vilayətində 11 hücumu dəf edib, düşmənin xeyli sayda texnikasını sıradan çıxarıblar: “Döyüşlərdə 1 “Tor” zenit-raket kompleksi, beş tank, altı artilleriya sistemi (o cümlədən üç MLRS), 12 ədəd zirehli döyüş maşını və bir avtomobil məhv edilib. Ukrayna hava hücumundan müdafiə bölmələri düşmənin bir Su-25 təyyarəsini və üç Orlan-10 pilotsuz uçuş aparatını vurub”.