Ermənistan və Türkiyənin xüsusi nümayəndələri üçüncü ölkə vətəndaşları üçün sərhədin açılması və iki ölkə arasında hava yüklərinin daşınmasına başlanılması ilə bağlı konkret razılaşmalar əldə ediblər. 

Ovqat.com xəbər verir ki, Ermənistan Təhlükəsizlik Şurasının katibi Armen Qriqoryan mətbuata açıqlamasında belə deyib.

Onun sözlərinə görə, Ermənistanın baş naziri ilə Türkiyə prezidenti iyulun 11-də telefon danışığında bu razılaşmaların həyata keçirilməsi və gələcək addımların atılması barədə razılığa gəliblər. 

“Aydındır ki, biz bu razılaşmalara sadiq qalacağıq. Üstəlik, Rusiya, ABŞ, Fransa, İran, Gürcüstan və Aİ də Ermənistan-Türkiyə münasibətlərinin normallaşması prosesini dəstəkləyir”, - deyə Armen Qriqoryan vurğulayıb.