Ermənistanda parlamentin hakim “Mülki müqavilə” fraksiyasının deputatları Rusiya sərhədçilərinin İrəvanın “Zvartnots” hava limanında fəaliyyət göstərməsindən narahatdırlar.

“Report” Ermənistan KİV-ə istinadən xəbər verir ki, bunu brifinq zamanı “Mülki müqavilə”nin katibi Artur Ovanisyan deyib.

“Bu məsələ həm bizi, həm də cəmiyyəti narahat edir, partiyamız daxilində müzakirələr gedir, hələlik bir qərar yoxdur”, - o bildirib.

Deputat Vladimir Vardanyan isə bildirib ki, Ermənistan qüvvələri ölkənin hava sərhədlərini qorumalıdır.

Qeyd edək ki, bu yaxınlarda Ermənistan parlamentinin sədri Alen Simonyan bəyan edib ki, rus sərhədçiləri Zvartnots hava limanını tərk etməlidirlər.