“Əgər cəmiyyət həqiqətən də bunu istəyirsə, Gürcüstanda hakimiyyət çevriliş və inqilablarla deyil, seçkilərlə dəyişməlidir”.

Bu açıqlama ilə “Gürcü arzusu - demokratik Gürcüstan” partiyasının baş katibi, Tbilisi meri Kaxa Kaladze çıxış edib.

O bildirib ki, ölkə daxilində və ya xaricdə fəaliyyət göstərən radikal qüvvələrin və qrupların Gürcüstanda iğtişaşlar törətməsinə imkan verilməyəcək.

“Gürcüstanda söz azadlığı qorunur, lakin hamı qanun çərçivəsində hərəkət etməlidir. Biz heç kimə ölkədə sabitliyi pozmağa imkan verməyəcəyik”, - deyə K.Kaladze vurğulayıb.

Mənbə: Sputnik Gürcüstan