İran Müdafiə Nazirliyinin nümayəndə heyəti Rusiyaya səfər edib.

Musavat.com xəbər verir ki, bu barədə IRNA məlumat yayıb.

Heyyətə Hatəm əl-Ənbiya bazasının mərkəzi qərargahının koordinator müavini, briqada generalı Əli Şademani rəhbərlik edib.

Bildirilir ki, nümayəndə heyəti açılış mərasimində və “Army-2024” beynəlxalq hərbi-texniki forumunda iştirak etmək üçün Rusiya Müdafiə Nazirliyinin dəvəti ilə Moskvaya gedib.

Səfər çərçivəsində Şademani Rusiya Müdafiə Nazirliyinin yüksək vəzifəli şəxsləri ilə görüşəcək, həmçinin Moskva vilayətinin Patriot parkında keçirilən “Army-2024” beynəlxalq hərbi-texniki forumunda təqdim olunan ən son hərbi texnologiyalarla tanış olacaq.

Bundan əlavə, briqada generalı digər ölkələrin yüksək rütbəli hərbi nümayəndə heyətləri ilə də görüşlər və məsləhətləşmələr keçirəcək.

Avqustun 12-dən 14-dək Moskva vilayətində “Ordu” beynəlxalq hərbi-texniki forumu keçiriləcək.

Şahanə Rəhimli

Musavat.com